Home / Urdu News / عورتوں کے خلاف تشدد کے خاتمے کے لیے کام کرنے پر سلمان صوفی کو ایوارڈ

عورتوں کے خلاف تشدد کے خاتمے کے لیے کام کرنے پر سلمان صوفی کو ایوارڈ

عورتوں کے خلاف تشدد کے خاتمے کے لیے کام کرنے پر سلمان صوفی کو ایوارڈ

تصویر کے کاپی رائٹ
Voices of Solidarity

پنجاب کے سٹریٹیجک ریفارمز یونٹ کے ڈائریکٹر جنرل سلمان صوفی کو عورتوں پر تشدد کے خلاف کام کرنے کے صلے میں دنیا بھر کے پانچ افراد کی فہرست میں شامل کیا گیا ہے۔

انھیں 2017 کے وائسز آف سالیڈیریٹی ایوارڈ سے نوازا گیا ہے۔ ان کے ساتھ اس فہرست میں سابق امریکی نائب صدر جو بائیڈن، اقوامِ متحدہ کے ہائی کمشنر برائے انسانی حقوق زید بن رعد حسین اور اقوامِ متحدہ کے سیکریٹری جنرل انتونیو گوتیرش شامل ہیں۔

یہ اعزاز ان لوگوں کو پیش کیا جا رہا ہے جنھوں نے دنیا بھر میں عورتوں پر تشدد روکنے کے خلاف اقدامات کیے ہیں۔

یہ بھی پڑھیے

خواتین کی داد رسی کا پہلا امتحان

پنجاب میں خواتین کے لیے خصوصی عدالتیں قائم کرنے کا فیصلہ

سلمان صوفی نے پنجاب میں عورتوں کی خودمختاری کے لیے کئی قدم اٹھائے ہیں، جن میں پنجاب اسمبلی میں پیش کیے جانے والا عورتوں کے خلاف تشدد روکنے کا بل شامل ہے۔ اس کے علاوہ ملتان میں عورتوں پر تشدد روکنے کے لیے پہلا دادرسی مرکز بھی انھی کی کوششوں سے قائم ہوا۔

یہ مرکز ایک ہی چھت کے نیچے عورتوں کو پولیس کی خدمات، طبی، قانونی اور خاندانی نوعیت کی مشاورت اور رہنمائی فراہم کرتا ہے۔

اس کے علاوہ سلمان صوفی نے عورتوں کی آزادی اور خودمختاری کے لیے ایک منصوبہ شروع کیا ہے جس کے تحت عورتوں کو موٹر سائیکل چلانے کی مفت تربیت دی جاتی ہے۔

پاکستان کا شمار ان ملکوں میں ہوتا ہے جہاں عورتوں کے خلاف تشدد معمول کی بات ہے۔

About admin

Check Also

جنگِ اکہتر کا لمحہ جو دلی کے قومی عجائب گھرمیں محفوظ ہے

جنگِ اکہتر کا لمحہ جو دلی کے قومی عجائب گھرمیں محفوظ ہے تصویر کے کاپی …

Leave a Reply

Your email address will not be published. Required fields are marked *